अग्रलेखांचे बादशहा नीलकंठ खाडिलकर यांचे निधन – eNavakal
आघाडीच्या बातम्या महाराष्ट्र

अग्रलेखांचे बादशहा नीलकंठ खाडिलकर यांचे निधन

मुंबई – ‘अग्रलेखांचे बादशहा’ म्हणून ओळखले जाणारे ज्येष्ठ पत्रकार नीळकंठ खाडिलकर यांचे आज मध्यरात्री अल्पशा आजाराने निधन झाले. वयाच्या ८७ व्या वर्षी त्यांची प्राणज्योत मालवली. प्रकृती खालावल्याने रविवारी सकाळी त्यांना लीलावती रुग्णालयात दाखल करण्यात आले होते. आज उपचारादरम्यान त्यांची प्राणज्योत मालवली. त्यांच्या निधनाने एक आदर्श व्यक्तिमत्त्व गमावल्याची भावना पत्रकारिता आणि साहित्य क्षेत्रात व्यक्त होत आहे.

गिरगावातील खाडिलकर रोड येथे दैनिक नवाकाळच्या कार्यालयात दुपारी १२ ते २ दरम्यान खाडीलकरांचे पार्थिव अंत्यदर्शनासाठी ठेवण्यात आले. दुपारी साडेचार वाजताच्या सुमारास त्यांच्या अंत्ययात्रेस सुरुवात झाली. मरीन लाइन्स येथील चंदनवाडी स्मशानभूमीत शासकीय इतमामात त्यांच्या पार्थिवावर अंत्यसंस्कार करण्यात आले.

दैनिक नवाकाळचे ज्येष्ठ संपादक नीळकंठ खाडिलकर यांनी त्यांच्या अग्रलेखातून अन्यायाविरूद्ध लिखाण केले. ते दैनिक नवाकाळ या वृत्तपत्राचे जवळपास २७ वर्षे संपादक होते. संपूर्ण अर्थशास्त्र हा विषय घेऊन ते बी.ए. ऑनर्स झाले होते. ज्येष्ठ नाटककार आणि ‘केसरी’ चे भूतपूर्व संपादक कृ. प्र. खाडिलकर यांचे ते नातू. ते संध्याकाळ या नावाचे सायंदैनिकही काढीत असत. निळूभाऊ खाडिलकरांचे “हिंदुत्व” हे पुस्तक समीक्षकांच्या व वाचकांच्या पसंतीस उतरले आहे. खाडिलकर हे एक उत्तम मुलाखतकार होते. त्यांनी घेतलेल्या गोळवलकर गुुरुजी आणि सत्य साईबाबा यांच्या मुलाखती प्रचंड गाजल्या. भारत सरकारकडून त्यांना ‘पद्मश्री’ पुरस्काराने सन्मानित करण्यात आले होते.

नीलकंठ खाडिलकर यांनी आपल्या तर्कशुद्ध आणि संदर्भासहित लेखनातून इतिहासाची मांडणी करत वाचकांना इतिहाससाक्षर केले आणि त्याचवेळी वर्तमान सामाजिक-राजकीय परिस्थितीचे अभ्यासू व विवेकी विवेचन वाचकांपर्यंत पोहचविले. ‘अग्रलेखांचा बादशहा’ ही नीलकंठ खाडिलकर यांची मराठी वाचकांमध्ये ओळख आहे. त्यांच्या झंझावाती, मार्मिक आणि सामान्य वाचकालाही कळेल अशा सोप्या भाषेतील अग्रलेखांनी मराठी वृत्तपत्रसृष्टीत धुमाकूळ घातला. खाडिलकर यांच्या ग्रंथवाचन व्यासंगाचा अनेक विद्वानांनी गौरव केला आहे. तळागाळातील लोकांसाठी नीलकंठ खाडिलकरांनी आपली लेखणी वापरली. खाडिलकरांच्या अग्रलेखांचे ५ हून अधिक संग्रह प्रकाशित झाले आहेत.

त्यांना महाराष्ट्र सरकारचा पत्रकारितेचा पहिला लोकमान्य टिळक जीवनगौरव पुरस्कार(२००८), भारत सरकारकडून पद्मश्री, ‘चौफेर’ कऱ्हाडतर्फे ‘सुधारक’कार गोपाळ गणेश आगरकर पुरस्कार, मराठी पत्रकार संघातर्फे आचार्य अत्रे पुरस्कार, इत्यादी पुरस्कारांनी सन्मानित करण्यात आले आहे. मुंबई मराठी पत्रकार संघाचे दोनवेळा अध्यक्षपद त्यांनी भूषविले आहे. भाषिक वृत्तपत्र संघटना ‘आयएलएनए’चे ते चिटणीस होते.

  • .

 

Sharing is caring!

You may also like

Read More

post-image
अर्थ आघाडीच्या बातम्या देश

Budget 2020 : वाचा! नव्या अर्थसंकल्पातून कोणाला काय मिळाले?

नवी दिल्ली – २०२०-२१ सालचा अर्थसंकल्प केंद्रीय अर्थमंत्री निर्मला सीतारामन यांनी केला. या अर्थसंकल्पाचे वैशिष्ट्य म्हणजे कररचनेत करण्यात आलेला बदल. तसेच, शिक्षण, कृषी, आरोग्य,...
Read More
post-image
आघाडीच्या बातम्या

पुणे जिल्हा परिषद निवडणूक; अध्यक्षपदी राष्ट्रवादीच्या निर्मला पानसरे

पुणे – पुणे जिल्हा परिषदेच्या निवडणुकीत राष्ट्रवादीने  वर्चस्व कायम ठेवले आहे. जिल्हा परिषदेच्या अध्यक्षपदी राष्ट्रवादीच्या निर्मला पानसरे तर उपाध्यक्षपदी रणजित शिवतारे यांची निवड करण्यात...
Read More
post-image
आघाडीच्या बातम्या देश

देशात गरिबी, उपासमार, असमानता वाढली, एमपीआयचा धक्कादायक अहवाल

नवी दिल्ली – देशाचे सामाजिक वातावरण गढूळ झालेले असताना आणखी एक धक्कादायक माहिती समोर आली आहे. देशातील 22 ते 25 राज्य आणि केंद्रशासित प्रदेशात...
Read More
post-image
महाराष्ट्र मुंबई

पंढरपुरला जाण्यासाठी मुख्यमंत्र्यांनी स्वत: चालवली ८ तास गाडी

मुंबई – वारकरी संप्रदायाची वारीची परंपरा खंडीत न करता वारीचं स्वरुपत सीमित करून साधेपणाने आषाढी एकादशी साजरी करण्यात आली. आषाढी एकादशीनिमित्त ना विठूचा गजर...
Read More
post-image
आघाडीच्या बातम्या देश

राज्यांना दिलेलं धान्य गेलं कुठे? फक्त १३ टक्केच स्थलांतरीत मजुरांनी घेतला मोफत धान्याचा लाभ

नवी दिल्ली – लॉकडाऊनच्या काळात एकही नागरिक उपाशी राहू नये याकरता केंद्र सरकारकडून पंतप्रधान गरीब कल्याण योजना राबवली जाते आहे. या योजनेअंतर्गत लोकांना मोफत...
Read More
post-image
आघाडीच्या बातम्या विदेश

सीमेवरील तणाव चीनमुळेच! भारत-चीन वादात अमेरिकेचीही उडी

वॉशिंग्टन – पूर्व लडाखच्या गलवान खोऱ्यात झालेल्या हिंसाचारानंतर अनेक देशांनी भारताला पाठिंबा दिला होता. आता अमेरिकेनेही भारताला पाठिंबा दिला असून व्हाइट हाऊसने या मुद्द्यावरून...
Read More
post-image
महाराष्ट्र

तापी नदीवरील हतनूर धरणाचे 32 दरवाजे अर्धा मीटरने उघडले

जळगाव – मध्य प्रदेशमध्ये मुसळधार पाऊस कोसळत असल्यामुळे भुसावळ तालुक्यातील तापी नदीवर असलेल्या हतनूर धरणाचे 32 दरवाजे अर्धा मीटरने आज सकाळी उघडण्यात आले. सध्या...
Read More
post-image
देश न्यायालय

बाबरी मशिद प्रकरणात उमा भारती लखनौच्या सीबीआय न्यायालयात हजर

लखनौ – भाजपाच्या नेत्या आणि माजी केंद्रीय मंत्री उमा भारती या आज बाबरी मशिद व अयोध्येतील श्री राम जन्मभूमी प्रकरणात लखनऊमधील सीबीआयच्या विशेष न्यायालयात...
Read More