अकोले तालुक्यात विहिरीत आढळल्या १४ मोटारसायकली – eNavakal
महाराष्ट्र

अकोले तालुक्यात विहिरीत आढळल्या १४ मोटारसायकली

अकोले – दोन विहिरीत तब्बल १४ हुन अधिक मोटारसायकली आढळून आल्याने एकच खळबळ उडाली. ही घटना अकोले(जि.नगर) तालुक्यातील कळस येथे घडली. कळस येथील ग्रामस्थांच्या तब्बल नऊ तासांच्या अथक परिश्रमातून आणि पोलिसांच्या उपस्थितीत या मोटारसायकली दोर आणि लोखंडी तारांचे गळ टाकून विहिरीबाहेर काढण्यात आल्या. कळस येथील प्रवरा नदीवरील मोठ्या पुलाच्या बाजूला या विहिरी आहेत. यापैकी ग्रामपंचायतीच्या जुन्या विहिरीत १२ तर एका खाजगी मालकीच्या विहिरीत दोन अशा १४ मोटारसायकली विहिरीतून बाहेर काढण्यात आल्या. दरम्यान आज सायंकाळी ६ वाजेपर्यंत हे काम सुरूच होते. काल शुक्रवारी एका विहिरीत दोन मोटारसायकली दिसत आहेत अशी माहिती अकोले पोलिसांना समजली त्यामुळे आज त्या काढण्यासाठी गेल्याने पोलिसांनी जवळच असलेल्या ग्रामपंचायतीच्या विहिरीतही ग्रामस्थांच्या मदतीने दोराच्या सहाय्याने लोखंडी गळ टाकून पहिला तर एका मागून एक अशा १२ मोटारसायकली विहिरीबाहेर काढण्यात आल्या.
या घटनेचे वृत्त समजतात अकोले आणि संगमनेर तालुक्यातील लोकांनी घटनास्थळी गर्दी केली. त्यात ज्यांच्या मोटारसायकली या पूर्वी चोरीस गेल्या होत्या त्यांचीही तातडीची उपस्थिती होती. त्यातील अनेक जणांनी आपापल्या मोटारसायकली ओळखल्या. त्यावर उपस्थित पोलीस निरीक्षक प्रमोद वाघ यांनी तात्पुरत्या स्वरूपात गाड्यांच्या सीटवर संबंधित व्यक्तींची नावेही लिहून ठेवली. यातील बऱ्याच मोटारसायकली या दोन ते अडीच वर्षांपूर्वीच्या असल्याचा अंदाज पोलिसांनी व्यक्त केला. या मोटारसायकलीची स्थिती अत्यंत वाईट झाली असून कित्येक दिवस पाण्यात आणि गाळात रुतून बसल्याने त्यांचे लोखंडी भाग अक्षरशः सडून गेले आहेत. काही मोटरसायकलिंचे टायर, रिंगा काढून घेतलेल्या अवस्थेत आहेत तर काही मोटारसायकली अक्षरशः सांगाड्यांच्या अवस्थेत आढळून आल्या आहेत.
एका गाडीच्या पुढील बाजूस “पोलीस पाटील”असे लिहिलेले आहे. ग्रामपंचायतीच्या मालकीची ही जुनी वापरात नसलेली विहीर असून ती सुमारे ५२ फूट खोल आहे. त्यात २५ फुटापर्यंत पाणी असल्याची माहिती येथील नागरिक गोरख वाकचौरे यांनी दिली. तसेच या विहिरींचे कठडेही कमी उंचीचे आहेत. दरम्यान या घटनेचा पंचनामा करून या मोटारसायकली विहिरीत कोणी आणि का टाकल्या? याचाही शोध घेणार असल्याचे पोलीसांकडून सांगण्यात आले.
यापैकी बहुतांश मोटारसायकली या अकोले, संगमनेर तालुक्यातील असल्याचे पुढे येत आहे. आज सकाळी नऊ वाजता ग्रामस्थांच्या मदतीने सुरू झालेले हे काम सायंकाळी ६ वाजेपर्यंत सुरूच होते. दरम्यान आज सायंकाळ पर्यंत पोलीस ठाण्यात याविषयी कोणत्याही स्वरूपाची नोंद करण्यात आली नव्हती. या विहिरीत अजूनही मोटारसायकली असण्याची शक्यता वर्तविण्यात येत आहे. मोटारसायकली चोरी गेल्याची नोंद ज्या पोलीस ठाण्यात केली आहे त्याचा संदर्भ देऊन संबंधितांनी आपली मोटरसायकल ताब्यात घ्यावी असे आवाहन अकोले पोलीस निरीक्षक प्रमोद वाघ यांनी केले आहे.

Sharing is caring!

You may also like

Read More

post-image
अर्थ आघाडीच्या बातम्या देश

Budget 2020 : वाचा! नव्या अर्थसंकल्पातून कोणाला काय मिळाले?

नवी दिल्ली – २०२०-२१ सालचा अर्थसंकल्प केंद्रीय अर्थमंत्री निर्मला सीतारामन यांनी केला. या अर्थसंकल्पाचे वैशिष्ट्य म्हणजे कररचनेत करण्यात आलेला बदल. तसेच, शिक्षण, कृषी, आरोग्य,...
Read More
post-image
आघाडीच्या बातम्या

पुणे जिल्हा परिषद निवडणूक; अध्यक्षपदी राष्ट्रवादीच्या निर्मला पानसरे

पुणे – पुणे जिल्हा परिषदेच्या निवडणुकीत राष्ट्रवादीने  वर्चस्व कायम ठेवले आहे. जिल्हा परिषदेच्या अध्यक्षपदी राष्ट्रवादीच्या निर्मला पानसरे तर उपाध्यक्षपदी रणजित शिवतारे यांची निवड करण्यात...
Read More
post-image
आघाडीच्या बातम्या देश

देशात गरिबी, उपासमार, असमानता वाढली, एमपीआयचा धक्कादायक अहवाल

नवी दिल्ली – देशाचे सामाजिक वातावरण गढूळ झालेले असताना आणखी एक धक्कादायक माहिती समोर आली आहे. देशातील 22 ते 25 राज्य आणि केंद्रशासित प्रदेशात...
Read More
post-image
आघाडीच्या बातम्या देश

बाबरी मशिदीसाठी मिळाली ‘ही’ जागा

अयोध्या- अयोध्येपासून ३० किमी दूर असलेल्या धन्निपूर येथे बाबरी मशिद बांधण्यास पाच एकर जमीन सुन्न वक्फ बोर्डाला देण्यात आली आहे. ही जागा स्विकारण्याचा निर्णय...
Read More
post-image
महाराष्ट्र राजकीय

मुख्यमंत्र्यांचीही निवड थेट जनतेतून व्हावी- अण्णा हजारे

अहमदनगर – फक्त गावचे सरपंच नव्हे तर राज्याचे मुख्यमंत्र्यांचीही निवड थेट जनतेतून व्हावी असं मत ज्येष्ठ समाजसेवक अण्णा हजारे यांनी व्यक्त केले आहे. सरपंच...
Read More
post-image
आघाडीच्या बातम्या देश विदेश

#TrumpInIndia ताजने आम्हाला प्रेरित आणि चकीत केलं- डोनाल्ड ट्रम्प

नवी दिल्ली – अमेरिकेचे राष्ट्राध्यक्ष डोनाल्ड ट्रम्प हे त्यांच्या पत्नी मेलेनिया ट्रम्प, कन्या इव्हान्का ट्रम्प आणि जावई जॅरेड कुशनर यांच्यासह आज पहिल्यावहिल्या भारत भेटीवर...
Read More
post-image
महाराष्ट्र राजकीय

माळेगावचा पहिला निकाल, अजित पवारांच्या पॅनलला यश

बारामती -अतितटीच्या ठरलेल्या माळेगाव कारखानच्या निवडणुकीत ब वर्ग मतदारसंघात राष्ट्रवादीच्या स्वप्नील जगताप यांनी विजय मिळवला आहे. अन्य २० जागासाठी मतमोजणी सुरू आहे. माळेगाव कारखान्याच्या...
Read More
post-image
महाराष्ट्र

जयसिद्धेश्वर महाराजांची खासदारकी धोक्यात

सोलापूर – सोलापूरचे भाजप खासदार जयसिद्धेश्वर महाराजांच्या जातीचा दाखला रद्द करण्यात आला आहे. जात पडताळणी समितीने हा दाखला बनावट असल्याचे सांगत रद्द केला. त्यामुळे...
Read More