अकोले तालुक्यात एकाच रात्री सहा ठिकाणी घरफोड्या – eNavakal
महाराष्ट्र

अकोले तालुक्यात एकाच रात्री सहा ठिकाणी घरफोड्या

अकोले – अकोले शहरातील उपनगरातील गजबजलेल्या परिसरात रविवारी मध्यरात्रीच्या सुमारास चोरट्यांनी एकाच वेळी सहा ठिकाणी बंद घराचे कुलूप तोडून घरफोड्या केल्या. या सहा ठिकाणी १ लाख ३२ हजार रुपये रोख आणि ३ लाख २६ हजार रुपयांचे सोन्याचे दागिने असा एकूण ४ लाख ५८ हजार रुपयांचा मुद्देमाल सफाईदारपणे चोरून चोरटे पसार झाले. अकोले शहरातील रायगड नगर, राजमाता जिजाऊ नगर, नवरंग कॉलनी, स्वामी विवेकानंद कॉलनी उपनगरातील शिवाजी बाबुराव चासकर, बंडू बाळासाहेब वाकचौरे, भास्कर भाऊराव गावंडे, नामदेव चिंधु सुकटे, सुनिल वसंतराव लकारे आणि प्रदीप विश्वासराव शेळके अशा सहा जणांच्या घरी चोरट्यांनी घरफोडी करून दागिन्यांसह रोख ऐवज लांबविला.

हे सहा जण कुटुंबासह गावी गेले होते. याचा चोरट्यांनी अभ्यासपूर्ण पाहणी करून एकाच रात्री या चोऱ्या केल्या. विशेष म्हणजे शेजारी लागून घरे असताना सुद्धा कोणालाही याची चाहूल सुद्धा लागली नाही. हे चोरटे चांगलेच सराईत आणि निर्ढावलेले असल्याचे यावरून दिसून येत असल्याचे घटनाग्रस्तांचे म्हणणे आहे. दरम्यान, चोरीचे वृत्त समजताच सकाळीच अकोले पोलीस निरीक्षक प्रमोद वाघ यांनी स्वतः तत्काळ घटना स्थळी भेट देऊन परिस्थितीची पाहणी केली व माहिती घेतली. या परिसरात या अगोदर दीड दोन वर्षांपूर्वीची मोठ्या प्रमाणावर चोऱ्या झाल्या आहेत. मात्र पोलिसांना एकाही चोरीचा तपास लावता आला नाही. पोलिसांकडून चोरीचा,चोरट्यांचा गांभीर्याने तपासच होत नसेल तर पोलिसात तक्रार तरी का दाखल करायची अशी मानसिकता घटनाग्रस्त नागरिकांची झाल्याचे पहावयास मिळत आहे.

दरम्यान, काही महिन्यांपूर्वी अकोले पोलीस ठाण्यात रुजू झालेले पोलीस निरीक्षक प्रमोद वाघ यांच्यापुढे आता या चोर्यांच्या घटनामुळे आवाहन निर्माण झाले असून निदान पोलीस निरीक्षक प्रमोद वाघ हे तरी आता या सराईत चोरट्यांच्या मुसक्या आवळतील अशी अशा अकोलकर ठेवून आहेत.दरम्यान नगर येथून शॉन पथक पाचारण करण्यात आले असून घटनास्थळाची पाहणी करण्यात आली आहे. अकोले पोलीस ठाण्याकडून पुढील तपास सुरू आहे. दरम्यान या घटनेमुळे अकोले शहरात प्रचंड दहशत पसरली असून पोलिसांनी रात्रीची गस्त वाढवावी अशी मागणी नागरिकांकडून करण्यात येत आहे.

Sharing is caring!

You may also like

Read More

post-image
News महाराष्ट्र

आज पुणे शहरातील पाणीपुरवठा बंद

पिंपरी – पिंपरी चिंचवड महापालिकेच्या रावेत येथील अशुद्ध जलउपसा केंद्रातील आणि निगडी सेक्टर क्रमांक 23 येथील जलशुद्धीकरण केंद्रातील विद्युत पुरवठाविषयक कामे आज गुरुवारी केली...
Read More
post-image
News देश

चंद्राबाबू नायडूंचा ‘प्रजा वेदिका’ बंगला एकाच रात्रीत जमीनदोस्त

अमरावती – आंध्र प्रदेशचे मुख्यमंत्री जगनमोहन रेड्डी यांच्या आदेशानंतर माजी मुख्यमंत्री आणि तेलुगू देसम पार्टीचे अध्यक्ष चंद्राबाबू नायडू यांचा ’प्रजा वेदिका’ बंगला एकाच रात्रीत...
Read More
post-image
News मुंबई

243 महिला बचत गटांना पालिकेची नोटीस! पालिका स्थायी समितीत उमटले पडसाद

मुंबई – देशाची आर्थिक राजधानी असलेल्या मुंबईतील चक्क 250 पैकी 243 महिला बचत गटांना तांदूळ अपहार प्रकरणी दोषी ठरवून पालिकेने नोटिसा बजावल्या आहेत. या...
Read More
post-image
News महाराष्ट्र मुंबई

महसूल मंत्री चंद्रकांत पाटील यांनी भुखंड प्रकरणात बिल्डरचे हित जोपासले

मुंबई – महसूल मंत्री चंद्रकांत पाटील यांनी पुण्यातील दोन भुखंड प्रकरणात बिल्डरला फायदा होईल असे निर्णय दिले आहेत, असा खळबळजनक आरोप आज राष्ट्रवादीचे प्रदेशाध्यक्ष...
Read More
post-image
News महाराष्ट्र

नागपूर महापालिकेचा अर्थसंकल्प सादर बंद! शाळांमध्ये भाजी मार्केट-फूड मॉल

नागपूर – नागपूर महापालिकेचा 3197. 60 कोटींचा अर्थसंकल्प सादर झाला असून त्यात कोणतीही करवाढ, दरवाढ करण्यात आली नसली तरी पालिकेचं उत्पन्न वाढवण्यासाठी पालिकेच्या बंद...
Read More