अंगणवाडी सेविकांना इलेक्शन ड्युटीची सक्ती नाही- निवडणुक आयोग – eNavakal
News न्यायालय मुंबई

अंगणवाडी सेविकांना इलेक्शन ड्युटीची सक्ती नाही- निवडणुक आयोग

मुंबई- अंगणवाडी सेविकांना इलेक्शन ड्युटी सक्तीची नाही. निवडणुकीच्या कामासाठी न येणार्‍या या अंगणवाडी कर्मचार्‍यांवर कोणतीही कारवाई केली जाणार नाही, असे केंद्रीय आयोगाने आज मुंबई उच्च न्यायालयात स्पष्ट केले. आयोगाच्या या भुमिकेमुळे निवडणुक कामाला जुंपण्यात आलेल्या अंगणवाडी सेविकांना मोठा दिलास मिळाला आहे.
लोकसभेच्या निवडणूकीत प्रथमच अंगणवाडी सेविकांना निवडणुकीचे काम देण्याच्या निवडणूक आयोगाच्या निर्णयाविरोधात महाराष्ट्र राज्य अंगणवाडी कर्मचारी संघाच्या उपाध्यक्षा संगीता चाचले आणि सचिव चेतना सुर्वे यांनी उच्च न्यायालयात याचिका दाखल केली आहे. या याचिकेवर न्यायमूर्ती अभय ओक आणि न्यायमूर्ती एम.एस. संकलेचा यांच्या खंडपीठासमोर आज सुनावणी झाली. याचिकाकर्त्यांनी निवडणूक ड्यूटीलाच जारेदार आक्षेप घेतला होता. केंद्र सरकारने 2010 मध्ये एका परीपत्रकाद्वारे विशेष जबाबदारी असलेल्या सरकारी कर्मचार्‍यांना इलेक्शन ड्युटी लावण्यात येऊ नये असे स्पष्ट करण्यात आले आहे. त्यात प्रामुख्याने सीबीआयसह इतर काही विशेष सेवांसह अंगणवाडी कर्मचार्‍यांचा समावेश आहे. याकडे न्यायालयाचे लक्ष वेधले. तसेच अंगणवाडी सेविकांची जबाबदारी सेवार्थ आहे. त्यांच्यावर लहान कुपोषित बालकांच्या आहाराची, शिक्षणाची जबाबदारी सोपविण्यात आली आहे. त्यात अनेक कामे समाविष्ट असल्याने त्यांच्यावर इतर कोणतीही अतिरिक्त जबाबदारी टाकू नये. असे स्पष्ट निर्देशच निवडणूक आयोगाच्या फेब्रुवारी 2019 च्या नियमावलीत स्पष्ट करण्यात आलेले असताना अंगणवाडी सेविकांना निवडणूक कामाला जुंपणे बेकायदा आहे असा दावा केला होता. मात्र आयोगाने सुरूवातीला निवडणुक आयोगाची नियमावली बंधनकारक नाही, अशी भुमीका घेतली होती. अखेर आज न्यायालयात या अंगणवाडी सेविकांना इलेक्शन ड्युटीची सक्ती नाही, असे स्पष्ट केले. ड्यूटी न करणार्‍या कर्मचार्‍यांवर कारवाईचा बडगा उगारला जाणार नाही, असे स्पष्ट केले. उभय पक्षांच्या युक्तीवादानंतर न्यायालयाने निवडणुक आयोगाची नियमावली बंधनकार नसल्याचे उद्या प्रतिज्ञापत्रावर सांगा असे निर्दश देऊन याचिकेची सुनावणी तहकूब ठेवली.

Sharing is caring!

You may also like

Read More

post-image
देश महाराष्ट्र राजकीय

अमित शहा २२ तारखेला मुंबईत; युतीवर शिक्कामोर्तब होणार?

मुंबई – केंद्रीय गृहमंत्री आणि भाजपा अध्यक्ष अमित शहा २२ सप्टेंबरला मुंबईच्या दौऱ्यावर येणार आहेत.यावेळी गोरेगावच्या नेस्को मैदानात त्यांची सभा आयोजित करण्यात आली आहे....
Read More
post-image
महाराष्ट्र हवामान

शाळा-महाविद्यालयांना सुट्टी पण अतिवृष्टी नाहीच

मुंबई – भारतीय हवामान विभागाने आज मुंबईसह उपनगर, ठाणे आणि कोकणात आज अतिवृष्टीचा इशारा दिला. त्यामुळे खबरदारीचा उपाय म्हणून शालेय शिक्षण मंत्री आशिष शेलार...
Read More
post-image
देश न्यायालय

चिदंबरम यांना दिलासा नाहीच! ३ ऑक्टोबरपर्यंत कोठडीत वाढ

नवी दिल्ली – आयएनएक्स मीडिया आर्थिक गैरव्यवहार प्रकरणी न्यायालयीन कोठडीत असलेले कॉँग्रेसचे ज्येष्ठ नेते आणि माजी केेंद्रीय अर्थमंत्री पी. चिदंबरम यांना आज दिल्लीतील न्यायालयाने...
Read More
post-image
आघाडीच्या बातम्या महाराष्ट्र

कॉंग्रेसचा गोंधळ समजू शकतो पण शरद पवार तुम्ही? मोदींचा हल्लाबोल

नाशिक – मुख्यमंत्री देवेंद्र फडणवीस यांनी काढलेल्या महाजनादेश यात्रेचा समारोप आज पंतप्रधान नरेंद्र मोदी यांच्या भाषणाने आज नाशिकमध्ये झाला. यावेळी पंतप्रधानांनी राष्ट्रवादीचे अध्यक्ष शरद पवार...
Read More
post-image
महाराष्ट्र राजकीय

पवारांची मानसिकताच राजेशाही – मुख्यमंत्र्यांची टीका

नाशिक – आज पंतप्रधान नरेंद्र मोदी यांच्या उपस्थितीत महाजनादेश यात्रेचा समारोप नाशिकमध्ये पार पडला. यावेळी मुख्यमंत्री देवेंद्र फडणवीस यांनी आपल्या 5 वर्षांच्या कार्याचा थोडक्यात आढावा...
Read More